الرئيسية
انا لا قلت خلصنا مـن الربطـه بقـا شهريـن
وانا لا دخت من دوشه طلعت وطحت في دوشه
اهوجس بولع وأسرف وهذري واكثرا التخمين
واثـر وقتـي لامنـي حسبتـه راح بلـوشـه
لـك الله ياعـودن تـوفـا بــأول الستـيـن
يـا خـوي لامنـي لمحتـه ضعـت بالطوشـه
اناماذبح قلبي غلا مريم ولا ياسمين
ولاهو بسبب عنـدي غـلا وفـراق قموشـه
انا مستأسـرن قلبـي بمخلابـه ابـو كفيـن
واحب الطير من صغري وقبل خشم مطروشـه
وانا بعطيك ماعنـدي وودي تسمعـه الحيـن
وابيك تقدر حروفن علـي معنـاي مربوشـه
ترا فكري وتوميبه طواريـح البحـر قزويـن
ونشدلك شوي عن فروخن وتتـرك اعشوشـه
ابيـك تشيـل فـي كفـك وسـيـع العـيـن
جثل فرخ الغتار الي طويل وشقـرن انقوشـه
هذاك الي لامنـك لمحتـه قلـه طيـرن زيـن
سمعك وقالك ياحظه بخيصـن يقـدر يحوشـه
نحره ابيض من المنبا وقفره افطح من الطيـن
وراسه كنها البيضه مـع الجنبيـن مفقوشـه
وانا باخذ من طيور الخواجه جير مع شاهيـن
هذاك تقـل كبـده علـي الحـذراة منهوشـه
هجين وكاسبن خبره ويلعبهـا علـي الحبليـن
ولا فرخ من اهزال الطيور وهـد فـي حوشـه
توصو عند جيناتـه وحطولـه مـن النوعيـن
شجاع ويسبق افروخن علي الصيداة مخروشه
ماهو تفريخ من لندن ولاتفريخ راعي الصيـن
ولاهو خطة امريكـا ولا تفكيـر مـن بوشـه
سعو في شبة شلة رموز في عالـم التهجيـن
ومعهم صاحبي مدري شسمه بس لـه شوشـه
ياحي اقباله النادر وطـول وممتـر العشريـن
وحيـه كلـه بـرزة نبـاه ودقـة ارشوشـه
عليـه الله لامنـك تعينتـه تـقـول اثنـيـن
وحسب ربك كـن الطيـور بجنبـه اخدوشـه
جبر ومصطحن راسه وكاشف يشبـه الفليـن
وعينه كنها نكتـت سـواد بقلـب مغشوشـه
تجـلا عاتقـه حتـي تعـدال هامـة الكتفيـن
وصلبن منسـره كنـه فـولاد وراس ناتوشـه
عريض ومنكبه واقف وعينه حد مـن سكيـن
هجر ما يثني اكراعه عصا ساقيـه محشوشـه
متا والله يجي وقـة نشـد ونركـب الالفيـن
ونقنص بسهل يمت خـذال ونتـرك اعفوشـه
بقفراً خايعاً مابـه سـراج ووغثتـاً غاويـن
ماغير مولعنً تلـه هـواه وينقـل اوحوشـه
وحنا من الطمش ننقل طيوراً ختمهـا برليـن
بها مستعصية شرب الحبـار تطيـح ملكوشـه
يوم ان اللي معه طرح الحماد يطيح بي ثنتيـن
وتالي وقته يمسح نهـره ويحسـب مروشـه
ترا حنا اليـا منـا حسبنـا نقمـز الخمسيـن
ولاناخذ عنـه الا وهـي بالغيـم مخشووشـه
على كثرة عذاريب الحسود وهرجه الفاضيـن
علـى كثـرة أنـي ماحـب عنـاده وكوشـه
أليا منه تهايقلي سرح فكـري بحـور العيـن
وأليا منه تفرعن لي ذكرت الحرب وجيووشـه
مهيبً كن في قصـه جناحـه لمعـه السيفيـن
شعار المملكة ماهو شعـار فـوق خربووشـه
لزوماُ لنتحت جسمة يسمى مكسـب الهاويـن
لزوم اللي نقل غيرة يشيـل البنـدق الخوشـه
هو اللي أقنص بمثلةوأشيل الدين فوق الديـن
او أني اتركت الولعه وأعاف الصيد وعفوووشه
....................
....................
هذي القصيده انا جبتها لعيون مدير المنتدى لانه يقدرها
تحياتي...
» فوائد قرص النحل
» عندما تبحث عن الحب في داهليز الظلام
» تساءلت يوما لماذا خلق الله للحيوانات ذيولاً؟
» العبرة اللي لها يومين تخنقني ..
» دقيقة هاذي الحقيقة ..
» الاعجاز العلمى فى "وَالصُّبْحِ إِذَا تَنَفَّسَ"
» والله كــذبوك فان العمر قصير
» اجعل يومك كـ يوم العصافير